Weather Update Today
Weather Update Today :- नमस्कार मित्रहो, राज्यात गेल्या 5 ते 6 दिवसापासून अतिमुसळधार स्वरूपाचा पाऊस कोसळताना पाहायला मिळत आहे. सोबतच काही जिल्ह्यात मोठ्या प्रमाणात पुरपरिस्तिथी पाहायला मिळत आहे.
राज्यात होत असलेल्या मुसळधार पावसामुळे खरीपातील पिकांचे काही ठिकाणी नुकसान झालेले पाहायला मिळत आहे, त्यामुळे शेतकरीवर्ग चिंताग्रस्त झाला आहे.
मित्रहो, हवामान विभागाने दिलेल्या ताज्या अंदाजानुसार पुढील 48 तासात काही जिल्ह्यात अतिमुसळधार स्वरूपाचा पाऊस होण्याचा इशारा दिलेला आहे. यामध्ये दिनांक 24 जुलै 2024 रोजी पालघर, रायगड, पुणे, सातारा या जिल्ह्यांना रेड अलर्ट देऊन या ठिकाणी अतिवृष्टी होण्याचा अंदाज दिला आहे.
Weather Update Today
सोबतच नंदुरबार, धुळे, नाशिक, मुंबई, ठाणे, रत्नागिरी, सिंधुदुर्ग, कोल्हापूर या जिल्ह्यांना ऑरेंज अलर्ट देऊन मुसळधार ते अतिमुसळधार पावसाचा इशारा दिला असून चंद्रपूर, गडचिरोली, गोंदिया, नागपूर, वर्धा, यवतमाळ, अमरावती, जळगाव, छत्रपती संभाजीनगर, अहिल्यानगर, बीड, धाराशीव या जिल्ह्यांना येलो अलर्ट मध्यम ते जोरदार पावसाचा इशारा देण्यात आला आहे. जालना, परभणी, हिंगोली, नांदेड, लातूर, सोलापूर, सांगली या जिल्ह्यात सुद्धा हलका पाऊस होण्याचा अंदाज आहे.
दिनांक 25 जुलै 2024 रोजी पालघर, ठाणे, रायगड, पुणे, रत्नागिरी, सातारा, कोल्हापूर या जिल्ह्यांना ऑरेंज अलर्ट देऊन जोरदार ते अतिजोरदार पावसाचा इशारा दिलेला आहे. मुंबई, सिंधुदुर्ग नाहीक, गोंदिया, गडचिरोली, नागपूर, नांदेड, हिंगोली, परभणी, जालना या जिल्ह्यांना येलो अलर्ट देऊन हलका ते मध्यम पावसाचा अंदाज देण्यात आला आहे.